Afrikaanse Satelliettelevisie logo

ADVERTEER OP ASTV

MEER OOR ASTV

ASTV se unieke verskeidenheid TV programme is meestal gemik op die Afrikaanse gemeenskap, en bied opwindende uitbreiding van die reeds omvattende verskeidenheid kanale op OpenView HD. ASTV spog met verskeidenheid programme wat geskik is vir die hele gesin. Kykers word vermaak met programme wat die Afrikaanse kultuur en leefstyl omarm, en wissel van musiekprogramme tot kosprogramme.

Plaaspraatjies, ‘n splinternuwe program wat handel oor Landbou kan elke Saterdag 06h00 gesien word, Die bedoeling met hierdie program is om dit wat op ons plase gebeur, op ‘n aangename en sinmakende wyse deur te gee aan ons boere, oftewel landbouprodusente, aan die een kant, maar ook aan ons verbruikers aan die ander kant. Die plaaslewe is deel van ons geskiedenis. Die ou Voortrekkers is nie verniet trekboere genoem nie. Maar dit is steeds deel van ons wese vandag.

PLAASPRAATJIES wil boere met kennis en kundigheid bemagtig, en wil die verbruiker en die produsent meer ingestel maak op mekaar, want ons het mekaar nodig.

Hengelaars sit weekliks bankvas voor die kassie om Vaskap, een van die grootste en gewildste hengelprogramme in S.A te kyk. Die program fokus veral op varswaterhengel in en om Suid-Afrika. ASTV spog met ‘n rits ander opwindende programme van kosmaak, iets vir die kleinspan, snaakse stories in DISSI STORIE, kerkdienste op ‘n Sondag en die nuutste musiekvideo’s wat jou dansvoete sal kielie. (Vir volledige programinligting, sien ons programgids http://www.astv.co.za/#/programme).

ASTV se besturende direkteur, Jaco Ferreira, sê die kanaal fokus om groter gehoor te bereik deur die vennootskap met OpenView HD. “Die Afrikaanse mark het ons kanaal se inhoud tot dusver baie goed ontvang, juis omdat dit alledaagse aspekte van ons kultuur, waarmee mense hulself kan vereenselwig, aanspreek. Ons sien elke dag hoe ons gehoor groei op hierdie nuwe dekodeerder waar geen maandelikse subskripsies betaalbaar is nie.”

ASTV is een van 18 OpenView HD-kanale, wat interessante verskeidenheid kykstof aan kykers bied: van vermaak, kultuur en leefstyl, tot kinder- en opvoedkundige programme.

OpenView HD, wat in Oktober 2014 bekendgestel is, is Suid-Afrika se eerste gratis-op-die-lug digitale sateliettelevisie-platform, ‘n sustermaatskappy van e.tv. en afdeling van Sabido Investments (Pty) Ltd. Met OpenView HD betaal jy slegs eenmalig vir satellietskottel, dekodeerder en installasie, en dan kyk jy gratis vir die res van jou lewe – daar is geen maandelikse fooie betaalbaar nie. Indien jy reeds ‘n skottel op jou dak het is slegs ‘n dekodeerder nodig wat aan jou huidige skottel gekoppel word. Jy hoef nie te kies tussen dekodeerders nie en kan van die een dekodeerder na die ander oorskakel met die druk van ‘n

knoppie. OpenView HD dekodeerders is tans teen ‘n spotgoedkoop prys van R499 by jou naaste GAME beskikbaar.

MEER OOR OpenViewHD

OpenView HD is e.tv se gratis digitale satellietplatform. Dit sorg vir heel nuwe wêreld as dit kom by vermaak – 18 nuwe TV-kanale van digitale gehalte sorg vir kristalhelder TV-dekking, maak nie saak waar in Suid-Afrika jy woon nie. OpenView HD-dekodeerders is beskikbaar by handelaars landswyd. Nog meer vermaak en meer kanale sal mettertyd bygevoeg word vir kykers se genot – sonder dat jy ooit in jou lewe weer sent meer hoef te betaal.

ASTV, die Afrikaanse TV kanaal op die OpenViewHD asook die StarSat dekodeerder bied nou ‘n spesiale aanbod aan adverteerders. Gebruik hierdie geleentheid as toetslopie om sodoende ‘n permanente staande spasie op ASTV te bekom.

Adverteer op ASTV en bereik nagenoeg, ‘n geskatte, 250 000 kykers, landwyd!

“WAT OM VOLGENDE TE DOEN…”

•Stuur ‘n e-pos na hilda@astv.co.za indien jy belangstel om op ASTV te adverteer

•Ons sal jou kontak, die papierwerk in orde kry, aflewering van advertensiemateriaal of die vervaardiging van jou advertensie bespreek.

•ASTV sal tot u diens wees om te verseker dat u die beste moontlike blootstelling op TV ontvang.

•Enige ander navrae? Stuur gerus 'n e-pos na hilda@astv.co.za en ons sal so gou moontlik met u in aanraking kom.

Groete

Die ASTV-span

ArrowIcon BloggerIcon AimIcon DeliciousIcon PaperIcon EtsyIcon FacebookIcon FilmStripIcon FlickrIcon CameraIcon LaunchIcon GooglePlus2Icon GooglePlusIcon HeartIcon InformationIcon InstagramIcon LastfmIcon FrontCameraIcon LinkedInIcon EmailIcon MoneyIcon ItunesIcon MyspaceIcon OpenTableIcon PayPalIcon PencilIcon PersonIcon PhotoIcon PicasaIcon PinterestIcon PodcastIcon RssIcon ShoppingCartIcon SoundCloudIcon StarIcon TableProjectIcon TheCityIcon TumblrIcon Twitter2Icon TwitterIcon TypepadIcon VideoIcon VimeoIcon WordPressIcon YelpIcon YoutubeIcon